[dropcap]А[/dropcap]. Къапиевлул цIанийсса Лакрал паччахIлугърал музыкалулва драмалул театр хъуннасса кьурчIишиву кIидачIлай дакIнихтунусса жижара буллай буру чIярусса шиннардий театрдануву зий ивкIсса Аьлимов СалихI Юсуплул арснал кулпатращал, арсуравращал ва гъан-маччаминнащал.

Аьлимов СалихI увну ур 1938 шинал СумбатIуллал шяраву.
Б. Щукиннул цIанийсса лаваймур театрал училищелул лакрал студия къуртал бувну махъ зий ивкIссар Лакрал театранул актерну.
1970-1974 ва 1985-1989 шиннардий зий ивкIссар Лакрал театрданул директорну.
1974-1976 шиннардий зий ивкIссар Дагъусттаннал балайлул ва къавтIаврил ансамбльданул директорну.

Ва хъанай ур ДР-лул Театрал ишккаккултрал союзрал ва Чичултрал союзрал член.
Итабавкьун бур театрал магьирлугъран хас бувсса тамансса луттирду.
Дарс дихьлай ивкIссар республикалул ВУЗирдаву.
СалихIлул рухI хъинний дишиннав! Алжаннул ххари аннав!