«НигьачIаву дакъасса оьрчIшиву» тIисса федерал проект щурун дайдирхьусса регионнайн утти Дагъусттангу багьлагьиссар.
Проект зий дайдирхьуссар октябрь зурул 29-нний. Проектрал лагрулий машинарттай мюрщисса оьрчIру бувцуну заназисса нитти-буттан мюхчаншиву дузал дан лахьхьин буллалисса цасса система хIасул дантIиссар. Мюрщисса оьрчIру ххуллурдай бала-апатIрая буруччаву мурадрайсса шанна шинайсса проект 2019 шинал зун дайдирхьуссар 30 региондалий. 2019 шиная байбивхьуну 2021 шинайн бияннин ва проектравун хIала буххантIиссар Аьрасатнал 85 региондалийсса 100 шагьру.
Перинатал центрдал гьанулий, ялун нину-ппухълу хьунтIиминнан, машинарттай мюрщисса оьрчIру буцаврил низам лахьхьин дуллалисса тренингру хьунтIиссар. Нюжмардий кIийла-шамийла бавтIун лахьхьин бантIиссар машинарттал ххуллу лахъан коляскалущал наниминнан.
Проект дузрайн дуккан дан ялув бацIаву дуллантIиссар Аьрасатнал Виваллил иширттал ва ЦIуллу-сагъшиву дуруччаврил министерствартту, «НигьачIаву дакъасса ххуллурду» цIанилусса идара.
