[dropcap]А[/dropcap]ьрасатнал Виричу, Дагъусттаннал Росгвардиялул управлениялул хъунама, полициялул генерал-майор МахIаммад Баачиловлул
кьамул бунни агьали Аьрасатнал Президентнал жяматийсса приемнайлуву.
А. Аьбдуллаева
[dropcap]Ш[/dropcap]иккун бувкIсса чIявуминнал суаллу бия управлениялул подразделениярттаву зун буххаврил хIакъиравусса. МахIаммад Баачиловлул бувчIин бунни цачIанма даврийн буххан ччиминная ци тIалавшиннарду дуссарив ва тапшур бунни кадрардалсса буллалисса зузалтрайн цинявппа хьунабакьаврийн бувкIсса инсантал кьамул бан собеседованиялийн ва ихтияр дулун миннахьхьун цIуллу-цIакьшиврул даража ккаккан бан.
— ЖучIан увкIун, къулагъас къадурсса цаягу инсан икIан къааьркинссар. Собеседованиялул хIасиллах ва цIуллу-цIакьшиврул тагьарданух бурувгун, ахир хIукму бантIиссар гьарнал хIакъираву, – увкунни ванал.
