Уттигъанну Каспийскалий хьхьичIунсса къуллугъирттай зузисса биялсса лакрал гьурттушиндарайну хьунни махъа нанисса ник тарбия давриву агьамсса даву дуллалисса
«Отечество» тIисса цIанилусса клубрал батIаву. Му клубран дирзун дур Аьрасатнал Виричу МахIаммад НурбахIандовлул цIа.
[dropcap]Б[/dropcap]атIаврий гьуртту хьунни Виричунал ппу, клубрал бусравсса член НурбахIанд НурбахIандов, ДР-лул Миллатрал политикалул, диндалул иширттал ва кьатIаллищалсса дахIавурттал министерствалул отделданул начальник Давуд Тумалаев, Каспийск шагьрулул администрациялул бакIчинал хъиривчу Руслан МахIмудов, Каспийскаллал аьрали комиссар Геннадий Кьурбанов, Авгъанисттаннал Ветерантурал шагьрулул советрал председатель МахIаммадаьрип Якьубов ва м.ц.
Клубрал председатель Таиса МахIаммадовал батIаву дайдихьлахьисса цила ихтилатраву кIицI лавгунни виричушиву ва нигь дакъашиву дагъусттаннал халкьуннал хасиятравусса хьхьичIунсса лишаннуну мудангу диркIшиву. ДакIний личIансса, мяъна-мурадрал бувцIусса ихтилатру бунни хъамаллуралгу.
ДакIнийн бутан, ва клуб сакин бувссар 2016 шинал шагьрулул Хъун библиотекалучIа, «Аьрасатнал ниттихъул» тIисса суккушиндарал кIанттул отделениялул сипталийну.
ХIадур бувссар
Бадрижамал Аьлиевал
