Барча бавуртту

Декабрь зурул 27-нний жула паччахIлугърай кIицI лагай Ххассал бувултрал кьини (День спасателя). Му кьинилуцIунгу дархIуну, ноябрь зурул 14-нний

бувксса АьФ-лул обороналул министр, армиялул генерал Сергей Шойгул приказрайн бувну, Дагъусттаннайсса МЧС-рал отделданул каялувчину зузи­сса, ЧIяйннал шяраватусса Аьбдуллагьлул арс Багов Жамалуттиннун дуллунни «Талатаврил цачIушиву цIакь даврихлу» тIисса медаль.

Мукуннасса награда дуллунни ялагу кIия да­гъусттанлувнан – Республикалул БакIчи Владимир Васильевлун ва МЧС-рал бакIчи Нариман КазимахIаммадовлун.
Ва хъуннасса наградагу барча дуллай, чIа тIий буру Жамалуттиннун цIуллушиву, цIу-цIусса тIайлабацIуртту ва ххуй-хъиншивуртту!

Дустал, гьалмахтал,
уртакьтал


 

[dropcap]Б[/dropcap]арчагу буллай, барчаллагьгу тIий бура ттула ххирасса ни­ттихь, КьурбанмахIаммадова ХIулайматлухь. Нитти-буттахсса ччаву хъуннассаксса муксса жула оьрмугу ххариссар ва чаннассар. Ттул ниттил ва буттал кувннащал кув бавкьуну цачIу 57 шин дурссар, ппу дунияллия лавгунгу 5 шинни.

[dropcap]Н[/dropcap]иттин январь зурул 4-нний хъанай дур 80 шин. Ва бур «Нину-Виричу». Дуккингу бувну, ацIвагу оьрчI узданну чивун буккан бувссар нитти-буттал.
Ттула яхI бусса, къатлувун увхнан къюкI дулун хьусса ни­ттин чIа тIий бура вания тихуннайгу цIуллушиву, чIярусса ххаришивуртту. Оьрмулул 90 шинал юбилей дуллай кка­кканнав. Вила оьрчIал кунма, оьрчIал оьрчIалгу ххари буллайнма личIаннав.
Я Аллагь, вил ужагърай буллугъшиву, паракьатшиву, гъилишиву чан къаданнав.

Душ ПатIимат,
ш. 1-мур ЦIувкIул


Вай гьантрай оьрмулул ххаллилсса юбилей хьунадаркьунни бювхъусса лакку душ, Ххюлуссуннал шяравасса Къунжуева Луизал.
Луиза гьарнащал хIал бавкьу­сса, дусшиву дангу, ядангу кIулсса, дакI аьчухсса ва уздансса хъамитайпа бур.

ДакIнихтуну бурчагу дуллай вил мусил юбилей, чIа тIий буру цIуллушиву, талихI-тирххандарайсса оьрму.
Ина вила ласналгу, арсурвавралгу ххари буллай, вилациринная щалихханнин битаннав. Ххари-хъиншивурттал бувцIусса хьуннав вил вания тинмайсса оьр­мугу!

Мудангу виха дуаьлийсса вил
дустал, ина ххирами