[dropcap]В[/dropcap]ай гьантрай Камбоджалул хъуншагьру Пномпеннай хьусса Дунияллул дянивсса ментал арифметикалул
чемпионатрай гьуртту хьунни 79 паччахIлугъраятусса 4500 дуклаки оьрчI.
Р. Къардашов
[dropcap]Ч[/dropcap]емпионатрай 1-мур кIану бувгьунни «Сафинат» школалий дуклакисса, ГьунчIукьатIрал шяраватусса Муслимлул арс Штанчаев Амирдул.
Шиккува дакIнийн бутан, Амирдул хьхьичIунсса кIанттурду бувгьуссия республикалул ва Ухссавнил Ккавкказуллал Федерал округрал ментал арифметикалул чемпионатирттай. Гьашину февраль зуруй Москавлив хьусса Аьрасатнал чемпионатрайгу, цаярва оьрмулул хъунисса оьрчIащал бястлий увккун, Амирдул бувгьуссия 3-мур кIану.
Июнь зуруй Къазахсттаннал хъуншагьру Нур-Султаннай хьусса Евразиянал интеллектуал ментал арифметикалул олимпиадалий, дунияллул рекордгу ккаккан дурну, ххув хьуссия Штанчаев Амир.
Умуд бур вай гьантрай Амирдущал хьунабакьинсса, ва ванащал хьусса ихтилатгу хъиривсса цания ца номерданий бищунсса.