Декабрьданул 7-8-нний Владикавказрай хьусса «Аланы-2019» тIисса лачIун буккаврил дунияллул халкьуннал турнирданий 4 дагъусттанлув ххув хьунни.
ХI. Аьдилов
Мусил медаллу ларсунни АхIмад Идрисовлул (57 кило), Рамазан Ферзалиевлул (61 кило), Халил Аминовлул (79 кило) ва МахIаммад Кьурбановлул (92 кило).
Арцул медаллан лайкь хьунни Аьппас-хIажи МахIаммадов (61 кило), Кьурбан Шираев (65 кило) ва Рамазан Рамазанов (70 кило).
Чарвитул медаллу ларсунни 5 лачIунуккул: Шамил Оьмаровлул (61 кило), ХIажимурад Аьлихмаевлул (74 кило), АхIмад ХIусмановлул (79 кило), МахIаммадшарип Биякаевлул (86 кило) ва МахIаммадхIажи Нурасуловлул (125 кило).
Ва турнирданул сий-бусрав гьашинуния махъ лахъ хьуссар – Аьрасатнал лачIунбуккултрал ваний ккаккан дурсса хIасиллу хIисавравун ласавантIиссар Европанал чемпионатрайн гьантIисса билаятрал хъунмур команда сакин дуллалисса чIумал.
