[dropcap]Н[/dropcap]оябрьданул 1-нний МахIачкъалаливсса Аьрасатнал МИД-рал вакилханалул коллективрал гьурттушинна дунни цIанихсса паччахIлугърал ишккакку,
дипломат, аьлимчу, академик Евгений Примаковлун хас дурсса суратирттал выставкалий. Ва выставкагу дия «Аьрасат – ттул тарих» тIисса Тарихийсса паркраву.
Аьрасатнал МИД-рал МахIачкъалаливсса вакил А. МахIамаддадаевлул барчаллагь увкуна дунияллул тарихраву цIа личIансса Примаковлул аьпалул хIурмат бушиврухлу. КIицI лавгсса паркрал хъунама Т. Велихановлулгу цалва ихтилатраву бувсуна Евгений Максимович Примаковлул Аьрасатнал паччахIлугърал цIа гьаз дувансса тамансса давурттив дуршиву, билаятрайгу, кьатIувгу ванал сий хъуннасса диркIшиву.
Тарихрал, археологиялул ва этнографиялул востоковедениялул отделданул элмийсса зузала И. Ханмурзаевлулгу кIицI лавгуна Примаков Гъанмур Машрикь ххуйну кIулсса аьлимчугу, экономистгу, куртIсса экспертъгу ивкIшиву, билаятрал дипломатътурал кьадрулий ядуллан аьркиншиву мунал дурмургу, интеллектуал ирс-ххазинагу. Бувсуна ванал МИД-рай каялувшиву дуллалисса ппурттуву дунияллул гъунттулу жулва билаятрал цIанил бияла цIакьгу, гьазгу буван биялсса хIарачат бувшиву.
П. Рамазанова
