[dropcap]О[/dropcap]ктябрьданул 10-нний Пятигорскалий ДР-лул ХIукуматрал Председатель Артем Здунов гьуртту хьунни Аьрасатнал Федерациялул Президентнал СКФО-райсса вакил Александр Матовниковлул

каялувшиврий хьусса батIаврий. Муний ххал бивгьунни округрай «НигьачIаву дакъасса ва ххуй-хъинсса машинарттал ххуллурду» тIисса национал проект бартдигьаву ххал дигьлагьисса ва ххуллурдай мюхчаншиву щаллу даврил масъалартту.

---

БатIаврий гьуртту хьунни мукунма Федерал ххуллул агентствалул (Росавтодорданул) каялувчи Андрей Костюк, Аьрасатнал МВД-лул Ххуллурдай мюхчаншиву щаллу даврил хъунмур управлениялул хъунама Михаил Черников, СКФО-рал регионнал, ХIукуматирттал каялувчитал ва цаймигу.

БатIаврий ихтилат хьунни агьали чIявуну ххуллурдайх заназаврия, СКФО-рал транзитрал каширду дузрайн дуккан дуллалаврия, ххуллурдай мюхчаншиву дуруччаврия. «НигьачIаву дакъасса ххуллурду» тIисса национал проект СКФО-рай бартдигьлагьиссар машинар­ттал ххуллурду бакьин баву мурадрай. ХIакьинусса кьини нормативрацIун бавкьуну бур анжагъ 57% аьмну ишласса ххуллурдал, микссава бур шагьрурдайсса кучардугу. 2024 шинайннин аьркинссар бакьин буван аьмну ишласса (общего пользования) ххуллурдал 61% ва шагьрурдайсса ххуллурдал 86%.
Дагъусттаннай хху­ллурду бакьин баврил проектран кка­ккан дурну дур 1 млрд. ва 700 млн. къуруш.

ХIадур бувссар
ХI. Аьдиловлул