Законнал цIусса дахханашивуртту

[dropcap]О[/dropcap]ктябрьданул 1-нния байбивхьуну, даххана хьунни хIукуматрал ­ца­ппарасса законну ва вайннуйн хъарсса тIалавшиннарду.


Къадагъа дирхьуссар балконнай цIу дихьлан, дикI цIарайх дуллан, майлул чирахъру лахълан. ЛичIлулну, цIудагьру къахьунсса куццуй, бакIрай авцIуну ухьурчан, цал­сса бучIину бусса бур балконнай къалиян учин.

Бюджетниктурал харжру 4,3% лахъ хьун най бур

Коммерциялул банкирдал бакIрайн ласун аьркин­ссар арцу буржирай ласласиминнал аьмсса, циняв буми буржру лахъан аьркинсса ккаккиярттал сияхIру щаллу даву. Вай кка­ккиярттах ва буржирай дуллали­сса арцул аьдадрах бурувгун банкирдал хIасул дуван аьркинссар Центробанкрай харжлугърал луртан. Вагу хъанай дур халкь банкирдай дирхьу­сса арцуцIа шаврия буруччаврил кьяйда.

[dropcap]Ч[/dropcap]Iярузивулийсса, агьали ялапар хъанахъисса къатраву утти къабучIисса бур зузи бан хъун бакъасса патирду (хостеллу).
Ихтияр дусса дур квартиралуву патир зузи буван так 1-мур зивулий.
Квартирагу коммерциялун ишла бансса рухсат залуннал кIунттихь бусса ва буххай хьулу кучалия бусса бикIан аьркинну бур.

[dropcap]Ч[/dropcap]ил хIукуматрал гражданшиврия уккан ччай ухьурчан, утти цува ялапар хъанахъисса кIанттай МВД-лийн аьрза булаврийну щаллу хьун бюхълай бур.
Аьрасатнал гражданин мурахас хъанахъиссар чил хIу­куматрайн аьрза чичаврия ва мунинсса жаваб дулуннин ялугьлагьаврия.

[dropcap]О[/dropcap]ктябрьданул 1-нния байбивхьуну, ахъулссаннул ва вацIлул ахъулссаннул НДС 20 процентрая лагь хьунтIий дур 10 процентрайн дияннин. Пальмалул аьгъушиврул НДС лахъ хьунтIий дур мува 10 процентрая 20 процентрайн дияннин.

Даххана хьунни ОСАГО-лул законгу. ГИБД-лул зузалт бакъанма авариялул европротокол щаллу буварчан, хьу­сса зарал арцуйну лахъан баврил хIакь ххи бувссар 100 азарда къурушрая 400 азарда къурушрайн бияннин.
ТIайлассар, му чIумал хьу­сса оьзру бивкIу бакъасса, ца ягу кIива автомашина гьуртту хьу­сса бикIан аьркинссар.

ХIадур бувссар
Р. Къардашовлул