«Къуллугърал масъалартту щаллуну бартбивгьуссар»

Дагъусттаннал Росгвардиялул управлениялий хьунни 9 зурул дянив подразделениярттал дурсса даврил хIасиллу дуллали­сса совещание. 

Му дачин дурну ия кIанттул управлениялул хъунама, полициялул генерал-майор МахIаммад Баачилов.


[dropcap]Ш[/dropcap]икку гьуртту хьунни управлениялул подразделениярттал каялувчитал. Вайннал бувсунни къуллугърал ккаккиярттая ва хьунабакьлакьисса масъаларттая. МахIаммад Баачиловлул чIурчIав дунни кадрардал управлениялул, финансирттал ва хозяйстварттал даврил, къуллугърал низамрал масъаларттай, мукунма кIицI лавгунни зузалтрал ва аьралитурал мюхчаншиврул тIалавшиннарду дуруччаврил масъала.

— УрчIва зурул дянив Росгвардиялул кIанттул управлениялул подразделениярттал бартбивгьуну бур къуллугърайн багьайсса 1200-ннийн бивсса масъалартту, увгьуну, виваллил иширттал отделлайн иян увну ур личIи-личIисса тахсиркаршивуртту дурсса 35 инсан, лявкъуну, бат бувну бур 3 блиндаж, 41 битай ярагъ, 863 ккулла-янсав, 3 граната ва 40-нния лирчусса граммру наркотикирттал.

-Управлениялул вай 9-гу зурул дянив хъуннасса даву дурссар. Жула хьхьичI бивхьусса цинявппагу къуллугърал масъалартту щаллуну бартбивгьуссар. Амма ттиния тихуннай къулагъасрайн ласун багьлагьисса диялдакъашивурттугу дур, — увкунни МахIаммад Баачиловлул.