[dropcap]О[/dropcap]ктябрьданул 20-нний ДР-лул Шяраваллил хозяйствалул министерствалул ризкьилул иширттал отделданул хъунама Юсуп ХIасанов ва мува отделданул
пишакар АхIмад Мирзаев кIул хьунни «Дагестанский» тIисса племцентрданийсса яттил жинс даххана даврил давурттащал.
Бабаюртуллал райондалий «Теречный» тIисса кормосовхозрай дуллай бур ризкьилул цIусса жинс дуккан даврил давуртту.
Ризкьилул цIусса жинсру дуккан даву мурадрай, уттигъанну Ставрополлал племсовхозирттая ва Къалмукьнал республикалия машан лавсун бур 100-я ливчусса кунни.
Юсуп ХIасановлул тIимунийну, 90-кусса шиннардия шинмай ризкьилул гьанна цIу буккан бавриха зий къабивкIун бур.
Аьркинну бур зунттал яттил ппал ххуй-хъин давриха ва гьанна баххана бавриха зун. Ми масъаларттаха зун бакIрайн лавсун бур ТIиларатIиял райондалул «Джурмут-1» тIисса гьаннараха зузисса хозяйствалул. Му хозяйствалул ризкьичитурал дайсса дур чIяруми яттил нис. Миннал мурад бур, дикIгу, ппалгу гьарзану ласаврицIун, яттил накIгу гьарзану ласаву.
Хъиривмур номерданий жу бусанну ятту зунттал даэрдая кIинтнил къутаннайн куч баврил хIакъираву Юсуп ХIасановлущал хьусса ихтилатрая.
