Ларгсса нюжмардий социал сетирдаву ца аваза гьаз хьуна, МахIачкъалаллал хъун майдан бакьин буллалиссару тIий, гиккусса циняв мурхьру ххуку бувну, кьатI буллай бусса бур, тIисса.
Ва иширацIун бавхIуну, шагьрулул мэриялул зузалтрал баян бунни, вай бачIвасса хавартту бушиву ва ялунгу гикку буминнуцIун ттигу мурхьру, тIутIив дугьан хIадур хъанай бушиву.
[dropcap]М[/dropcap]ахIачкъалаллал УЖКХ-рал хъунаманал хъиривчу Мария Шилинал бусаврийну, майдан бакьин бувну, агьамми давурттая махъ гикку бугьантIий бусса бур 50 мурхь ва 25 къатIа. Цуппа майдан бакьин бувну, къуртал хьун аьркинссар ва шинал ахирданийннин. Цаппара ххяххияртту гикку дугьантIиссар ссуттилла, цаппарагу-инттухуннай.
З.АьбдурахIманова
