[dropcap]О[/dropcap]ктябрьданул 6-нний ДР-лул ХIукуматрал Председатель Артем Здунов увкIунни ЦIумадиял райондалийн.
Мунащал архIал бивзунни ДР-лул экономикалул министрнал буржру чIумуйсса бартбигьлагьима ХIажи Султанов, ДР-лул туризмалул ва халкьуннал касмурдал министр Расул Ибрагьимов, ДР-лул строительствалул ва ЖКХ-лул министрнал 1-ма хъиривчу Мурад Аьлиев, ЦIумадиял райондалул бакIчи АнвархIажи Вечедов ва Аьрасатнал лайкь хьусса тренер, самболул ДР-лул хъунама тренер Аьбдулманап НурмахIаммадов.
[dropcap]М[/dropcap]и бивунни Сильди тIисса шяравун, микку 2020 шинал буллан най бур спортрал ва цIуллушиву цIакь даврил комплекс ва мукунма гостиницардал комплекс.
Спорткомплекс бансса 80% арцул итабакьин тIий бур федерал бюджетравату, 20% – республикалулссаннувату. Гостиницарду бан тIий бур цува заллусса инвесторнал арцух.
Райондалий дур ххаллилсса тIабиаьт, бур чIявусса вацIри, микку бур ЯтIул луттиравун лавсъсса вахIши хIайвант ва уртту-тIутIив. Комплексру бансса кIанай дур дарувну хъанахъисса термал ва минерал щинну.
Сильди шяравалу хъанай дур UFC-рал чемпион ХIабиб НурмахIаммадовлул буттал минану, шикку хIадур буллан тIий бур профессионал спортсментал.
ЦIанасса ппурттуву хIадур дуллай бур проектру ва сметартту. Мукунсса объектру бан тIий бур Дагъусттаннай шанма.
