[dropcap]О[/dropcap]ктябрьданул 9-нний Москавлив, ВДНХ-лий тIиртIунни «Мусил ссут-2019» тIисса Аьрасатнал агропромышленностьрал 21-мур выставка.

---

[dropcap]Ш[/dropcap]адлугърал тагьарданий выставка тIитIаврий гьуртту хьунни Аьрасатнал ХIукуматрал Председатель Дмитрий Медведев, АьФ-лул Председательнал хъиривчу Алексей Гордеев, ООН-далул БакIлахъиялул ва шяраваллил хозяйствалул сакиншиндарал гендиректор Цюй Дунъюй ва АьФ-лул шяраваллил хозяйствалул министр Дмитрий Патрушев.
Дагъусттаннал чулухасса делегациялул бакIчиталну бия ДР-лул ХIукуматрал Председательнал хъиривчу Аьбдулмуслим Аьбдулмуслимов ва ДР-лул шяраваллил хозяйствалул ва бакIлахъиялул министр Абзагьир ХIусайнов.

Аьдатрайн бувну, Аьрасатнал Шяраваллил хозяйствалул зузалал кьинилийн хасну Дмитрий Медведевлул хьхьичIунну зузими зузалтран дуллунни паччахIлугърал наградартту ва хIурматрал цIарду.

Дагъусттан Республикалул вакилтурал Дмитрий Медведевлухь бувсунни АПК-рал лагрулий бартдигьлагьисса проектирдая, ласласисса бакIлахъиялия, шяраваллил хозяйствалул дуллалисса хьхьичIуннайшивурттая.
Гьашину выставкалий дузал дурну дур 1500-ния лирчу­сса экспонатру Аьрасатнал регионная ва кьатIаллил билаятирттая.

Дагъусттанная гьуртту хьуну дур 30-ния лирчусса предприятияртту ва хозяйствартту.
Дагъусттаннал хъузалтрал ва ризкьичитурал ккаккиялий дирхьунни консерварттал сурсатру, ахъулссаннул щинну, турт, оьрчIансса пюре, нацIу-кьацIуртту, дурцIу дикIру, накI­лил сурсатру, ницI, бурув­сса, яттил дикI, аьнакIив, личIи-ли­чIисса чяйрду, щинну, чахирду, коньякру.