А. Къапиевлул цIанийсса Лак­рал музыкалул ва драмалул театрданул репертуардануву чан бакъар чIиримур никирансса спектакллу.

Ца яла ххира хьу­сса спектакльданун ккалли бан бучIир Мазяйхъал Казбеклул магьа «Къучагъсса барзукка». ЧIумуя-чIумуйн ккаккан бувай му театрданул сахIналийгу. Ччя-ччяни лагай «Къучагъсса барзукка» школарттайх, детсадир­ттайх, интернатирттайх.

---

[dropcap]М[/dropcap]ушакъатсса оьрчIан кумагрансса регионал жяматийсса ккуран хъанай дур щалагу Ухссавнил Ккав­кказнаву цалчинсса ккуран аутизмалул къашавайсса оьрчIал. Сакин дурну дур му 2006 шинал мушакъатсса оьрчIал нитти-буттал сипталийну. Цалчинсса кьинилия шинмай муний каялувшиву дуллай бур Аьйшат ХIамзаева. ЦIанасса чIумал идаралийн занай ур 48 оьрчI. 132 оьрчI ур яржа бияннин ялугьлагьисса.

---

Ттигъанну хъамалу бувкIунни му «Макь дакъасса оьрму» тIисса мушакъатсса оьрчIан кумагран­сса жяматийсса ккурандалийн.
Кумаграх, чIарав ацIанманах даиман мюхтажсса оьрчIал ххарину кьамул бунни хъиншиврия, дусшиврия, кувннал чIарав кув бацIаврия бусласисса магьа.

[dropcap]О[/dropcap]ьрчIру ххарину хъатру ришлай бия, оьсса къурайзуща «къучагъсса барзуккалул» гад­ри ххассал бувкун. Булувкьуну къавтIий бия, спектакль къуртал шайхту, артистуращал. Суратру ришлай бия.
Идаралул хъунмур Аьйшат ХIамзаевал барчаллагь увкунни артистурахь оьрчIан сакин дур­сса тирххандарахлу.

Зулайхат Тахакьаева