Мудан дакIний личIантIиссар

ЦIуминалийсса ДучIиннал шяраву хьунни 1999 шиналсса дяъвилул иширттаву жанну дуллуми дакIнийн бичлачисса мероприятие.

 Шяраваллил бакIчи АбутIалиб Аминовлул каялувшиндаралу ДучIиннал шяраваллил жямат ва дуклаки оьрчIру бавтIунни та дяъвилул иширттаву жан дуллусса милицанал сержант МахIаммад-Камил Аминовлул гьайкалданучIа, дирхьунни тIутIив, бунни ва дакIнийн утлатисса ихтилатру.


А. Аьбдуллаева
ДакIнийн бутан, М-К.Аминовлул жан дуллуссар Мурад Майрамовлущал ва Тенгиз ХIусайновлущал, ярагъуннил балгусса боевиктурал кьюкьлуйн данди бавцIуну. Аьпалул хьуну махъ ванан дуллуссар Къучагъшиврул орден.

ДучIиннал школалул директор Бахттун Шуаьевал оьвчаву дунни дуклаки оьрчIайн къучагъшиврий жан дуллусса шяравучу М-К. Аминовлул ва та дяъвилий ливтIусса цинявннал цIарду лайкьну дуручлан.