Ссавруннайн итабавкьуна кIяласса шарду

[dropcap]С[/dropcap]ентябрьданул 3-нний, Террорданущалсса талатаврил цашаврил кьини, ЦIуминалийсса ЦIуссаккуллал №2 школалийгу хьунни террорданул бала-мусиватрая бусласисса мероприятиярду.

П. Рамазанова
Школалул кабинетру оьрчIал дурсса суратирттал ва террорданийн къаршийсса плакатирттал чIюлу бувну бия. Дия ЦIуссалакрал Вирттавран хас дурсса стендгу.Тай шиннардийсса дяъвилул суратирттава, дяъвилул иширттаву гьуртту хьуминнал дакIнийн бичавур­ттава ва учительтурал хавардава оьрчIан цал уттигу асар хьуна террорданул бала-мусиватсса ишру.

[dropcap]Б[/dropcap]увсуна оьрчIахь Бесланнай хьусса мусиватсса ишираягу, Норд-Остливсса, Назраньнайсса, Дагъусттаннайсса терактирттая. Ккаккан дурна видеосурат «Беслан. ЧиваркI аьтIий бур». Ккаккан дурна оьрчIан террордания нигьачIаву ду­сса ягу теракт дурсса ппурттуву цукун къуццу тIунтIиссарив ла­хьхьин буллалисса видеофильмгу. Ахирданий 3 «в» классрал дуклаки оьрчIал ссавруннайн итабавкьуна кIяласса шарду.