Август зурул 7-нний Дагъусттаннал ХIукуматрал председатель Артем Здуновлул цIакь дунни республикалий WorldSkills ЗахIматрал пишарду хьхьичIунмай бавриха зунсса министерствардал ва ведомствардал сияхI.
ДР-лийсса WorldSkills координациялул центрданул захIматрал пишарду машгьур баврил хIакъиравусса проект биттур даву тIалав дуллалисса хIукму гьан бунни хIукуматрайн.
Имара Саидова
ДакIнийн бутанну, июль зурул 11-нний хьусса батIаврий ДР-лул ХIукуматрал Председатель Артем Здуновлул тапшур бувну бивкIшиву хасъсса министервардайн ва ведомствардайн республикалий WorldSkills захIматрал пишарду хьхьичIунмай баврил ялув бацIаву,
10 министерствалуцIун, ца агенствалуцIун ва ца комитетрацIун цIакь бувну бивкIшиву 40 журалул захIматрал пишарду магьир баву.
Республикалул личIи-личIисса министерствардацIун ттиватти цIакь бунни цала-цала профиллайн багьайсса пишарду.
