Вай гьантрай МахIачкъалалив, Кировлул цIанийсса райондалул администрациялул бакIчи СалихI Сагидовлул сипталийн бувну,
дайдирхьунни «Хъиншивурттал эстафета» тIисса ихIсандалул давурттал акция. Хъиншивурттал акциялул даву цаяра дайдирхьуну, СалихI Сагидовлул цала зурул харжирах машан ларсунни ахIвал-хIал кIюласса кулпатирттавасса оьрчIансса школалул кьай-кьуй.
СалихI Камаловичлул инстаграмрайсса лажиндарай чивчуну бур, школалийнсса кьай-кьуй дарчIушиву Красноармейск поселокрай ялапар хъанахъисса миски-гъаривсса кулпатирттавасса оьрчIайх ва сентябрь зурул 1-нин цаппара кулпатирттан уттигу кумаг бан най ушиву.
Мукунма ванал кIицI лавгунни умудрай ушиву акциялул давривух цаймигу каши-кьудрат дусса дагъусттанлувтал хIала бухханссар тIий.
ПатIмат Шихшаева
