Июльданул 30-нний ДР-лул БакIчи Владимир Васильевлул председательшиврий хьунни «Дарбант шагьру» округрал мастер-план хIадур даврин хасъсса конкурсрал жюрилул цачIусса батIаву.
БатIаву хьунни Къумтуркъалаллал райондалий . Тикку ххал дурну, кьиматгу бивщунни цинярда дуркIсса давурттан, мукунма кIул бунни финалданийн бувкмигу. СияхIрайн ларсун дия цинярдагу 26 заявка, ми дуркIун дия конкурсрайн 10 билаятраясса 64 компаниялия.
Владимир Васильевлул тIимунийну, Дарбант бур билаятрал аьвзалзаманнул шагьру, мунияту муния буван аьркинссар туристътал хIажлийн кунма бучIайсса лайкьсса кIану. Региондалул каялувчинал сенатор Сулайман Каримовлухь барчаллагь увкунни, Дарбантуллал дузалшиндарансса хъунмасса конкурс дузрайн дуккан буван бюхъаврихлу. Сенаторнал МахIачкъалалив сияхIрайн ларсъсса бизнесрал тамансса арцу дучIан дуллай дур Дарбантуллал бюджетравун.
Дарбантуллал бакIчи Хизри Абакаровлул тIимунийну, укунсса конкурс Аьрасатнаву цалчинни хъанахъисса.
Конкурс баврил хIакъираву гьартану бувсунни Сергей Георгиевскийл.
Яла ххал бивгьунни аьрзарду. ЛичIи унни конкурсрал 3 финалист. Жюрилул чIурду буллуну, финалистъталну бувчIунни: «АйЭнДи Аркитектс» тIисса консорциум (Аьрасат). Консорциумрал члентал: АДЕРТ (Дания), SWA(США), «Найт Френк» (Аьрасат), «РашаДискавери» (Аьрасат), «Генплан Москвы» (Аьрасат) Институтрал консорциум. Консорциумрал члентал: Гинзбург ва Архитектортал (Аьрасат), СКЦ (Аьрасат); МАДМА-лул консорциум (Нидерланды). Консорциумрал члентал: РТДА (Аьрасат). Муния махъ Дагъусттаннал БакIчи хьунаавкьунни журналистътуращал.
