Жижара

ХIусманкьадинал арс Саэдов Саэд

Вай гьантрай лавгунни дунияллия Ссухъиящиял шяравату­сса захIматрал ветеран, аькьил­сса хъуначу, ЗахIматрал ЯтIул Ттугълил ордендалул лауреат, Лаккуй совхозру-колхозру ччаннай дацIан дуллай, зий, захIмат буллай оьрму гьан бувсса инсан, ХIусманкьадинал арс Саэдов Саэд.

Саэд дуклай ивкIссар Вихьуллал, ЧIяйннал, Гъумучиял школарттай. Дагъусттаннал шяраваллил хозяйствалул институтгу къуртал бувну, цIу бутIуй зий ивкIун ур цал Бущихъав, яла Гъумук хъунама агрономну. Ци даврий, чув зурчагу, ванал цува бюхъу бусса пишакар ушиву ккаккан бувну бур. Ванал каялувшиву дуллалисса ппурттуву Хьурттал совхоз диркIун дур республикалул совхозирттал дянив 4 шинай цалчинмур кIанттай, ванал суратгу – микссара шиннардий республикалул ХIурматрал улттуй. МахIачкъалалив изайхту, зий ивкIун ур Овцепромрал гендиректорнал хъиривманугу.

Бусса оьрму Лаккуй колхозру-совхозру ччаннай дацIан дуллай гьан бувсса Саэд ххуйну кIулссар Лакрал ва Ккуллал районнал жяматран, ванал дустал, гьалмахтал районнайгу, чил миллатирттавугу чIявуссия, вайннал ужагърай хъамал чан къашайссия. Саэдлул чIявусса хъатIай ххаллилну тямадашиву дурссар, чIявуссаннан маслихIатчи, чIарахацIу хьу­ссар. Ва ия цувагу лазилавкьусса, пар-партIий янна лаххайсса, ихтилатрал пасихIсса, мукъуй цIу бу­сса чув.
Саэд дунияллия лагаврил кьурчIишиву кIидачIлай, жижара буллай буру ванал кулпатрахь Забизатлухь, арснахь, душваврахь, куявтурахь, арснал щарнихь, вайннал наслулухь, цинявппагу гъан-маччацириннахь. Цув Алжаннул ххари уваннав, гьаттай нур дизаннав!

Ссухъиящиял ва Гъумучиял жямат, дустал- гьалмахтал


Бюкь-МахIаммадлул душ Кьурбанова Гулинжан

Августрал 15-нний 40 гьан­тта хьунни лакрал миллатраву хъинну бусравсса, гьарцагу чулухату итххявхсса хъамитайпа, Ккуллал шяраватусса Бюкь-МахIаммадлул ва Бахчагуллул душ Кьурбанова Гулинжан ахиратрал хьуну.

Гулинжан бувну бур 1943 шинал. Хъунма хьуну бур ниттил ниттичIа. Цила хIарачатрайну школагу бувккуну, бувххун бур Грозналлал пединститутравун, къурталгу бувну бур му ятIул дип­ломрай. Зий бивкIун бур Ккуллал школалий.
Ласгу ялату лавгун, ванин багьссар, цила хIарачатрайну къатта-къушгу нани бувну, оьрчIругу хъуни буллан. Мукун бунугу, цила бюхъу-хъитлийну давугу, элмугу архIал нани дурну, ванил дурурччуссар тарихрал элмурдал кандидатнал цIа. Ва бия гьарца чулуха итххявхсса инсан. Ванил кIунттила бувкссар «Заманалул заллухъру» тIисса хъунмасса лу.

Чичайссия гьунар буну шеърирдугу. Махъ-заманив буссия Ккуллал тарихраясса бунияласса лу чичлай, амма къадуллунни ванихьхьун кьудрат му къуртал бансса.
Гулинжан бия итххявхсса балайчигу, гужсса къавтIалагу. ЧIявуссаннал хъатIал авур гьаз дайссия.
Дуниял къума-цIан гьарчагу, Гулинжаннул ахират гьарта­сса хьуннав тIий буру. Вил гьав нурданул дуцIиннав, буркIна куклусса, аьрщи кIукIлусса хьуннав вин, алшибакъуй Гулинжан! Махъминнал оьрмурдай барачат бишиннав. Вил бунагьир­ттал аьпа баннав!

Дустал, гьалмахтал, даврил уртакьтал


ДакIнийхтунусса кьурчIишиву кIидачIлай, жижара буллай буру Куматусса ПатIимат МахIаммадовахь ванил ххирасса ниттилссу,

Юсуплул душ МаматIиева Аьишат
дунияллия лагаврийн бувну. Цил гьав нурданул дуцIиннав, пирдавс-алжан нясив баннав. Махънал оьрмурдай барачат бишиннав. Амин.

Мариян Илиясовал цIанийсса фонд «Дараччи»


ДакIнийхтунусса кьурчIишиву кIидачIлай, жижара буллай буру Шахьуватусса Дагъусттаннал халкьуннал шаэр Космина Исрапиловахь, ванил аьзизсса нину,

Нураттиннул душ Исрапилова Майсарат
дунияллия лагаврийн бувну. Цил бунагьирттал аьпа баннав, Алжаннул ххари буваннав, угьара хьуну акъасса зул агьлулий цучIав дунияллия къагьаннав!

Мариян Илиясовал цIанийсса фонд «Дараччи»