Август зурул 13-нний МахIачкъалаллал Кировский райондалул бакIчи СалихI Сагидовлул тапшур бунни цалва ца зуруйсса харжирацIух ахIвал кIюласса кулпатирттавасса оьрчIан школалийн аьркинмур ласун.

П. Рамазанова
«Цуксса хIайпнугу цIусса дуккаврил шинайн аьркинмур ласунсса каши дакъасса кулпат­ру бур, укунсса кулпатирттан кумаг буван багьлай бур, агана ва акциялувух хIала буххан ччисса бухьурча, жу ххарину кумаг кьамул буванну»- увкунни райондалул хъунаманал. Вава батIаврий ххал бивгьунни «150 школа» тIисса республикалул программа бартдигьаврил масъалар­ттугу. Ва программалул лагрулий Кировский райондалий 10 школа ремонт буллай бусса бур. Дуккаврил шин гъан хъанай духьукун, СалихI Сагидовлул тапшур бунни вай школар­ттал ремонтрал бущилул тагьаргу ххал дигьин.