ДР-лул ХIукуматрал Санитар-противоэпидем комиссиялул бусаврийну, гьашину 6 зурул мутталий ххюттуканил
азардал къашавайсса 17,8% гьарза хьуну бур,дукIу вара чIумал къашавай хьуминнах бурувгун.
ДР-лул Роспотребнадзорданул управлениялул оператив ккаккиярттайн бувну, гьашину июльданул 1-нния июльданул 14-ннийнин цаппара кIанттурдай гьарза хьуну бур ххюттуканил азардал къашавай хьусса инсантал.
Гьашину июльданул 1-нния 14-ннийнин ДР-лул Роспотребнадзорданул управлениялул ххал бувну бур хIачIайсса щинал 228 проба, яни миксса кIанттурдаясса щин, миннувату 49 кIанава ларсъсса щин (21,5 процент) дакъар микробиологиялул ккаккиярттацIун (тIалавшиннацIун) даркьусса.
Республикалий, му тагьар тIайла дацIан даву мурадрай, ДР-лул санитар-эпидемиялийн къаршисса комиссиялул мурадлувсса министерстварттайн ва идарарттайн дунни балжисса тапшурлугъру, давуртту бартдигьинсса чIунгу ккаккан дурну.
