[dropcap]В[/dropcap]ай гьантрай жу оьвчарду Рутуллал райондалийсса Дюкъуллал шяраваллил бакIчи Аьли Аьлиевлуйн цифрардал телевидение зий душиврул хIакъираву.
Мунал тIимунийн бувну, цIанасса ппурттуву ххуйну зий дур цифрардал телеканаллу Рутуллал райондалул яла архми шяраваллаву – Дюхълив, Ялув ЧIатIлухъ ва Лув ЧIатIлухъ. ЛирчIми шяраваллавугу зий душиву исват бунни республикалул «РутIуллал хаварду» тIисса кказитрал корреспондентнал.
Дюкъуллал бакIчинал тIимунийн бувну, агарда ми шанна шяраву цифрардал ТВ каналу къазурча, шяраваллал бакIчитурал оьвчайсса бур РутIуллайн ми дакьин дайсса пишакарнайн, ца ссятрал дянив мунал дакьин дайсса дур ТВ-лул приставка, яла зун дикIайсса дур каналлу.
ХIасан Аьдилов
