Мусал душ Багъирова Рукьижат Вай гьантрай оьрмулул 95 шинаву жуятува личIи хьунни уздансса, жяматраву бусрав­сса лакку инсан, Гьухъалияту­сса Багъирова Рукьижат Мусал душ. Бувну бур Рукьижат 1924 шинал февраль зурул 16-нний Мащилиев Мусал кулпатраву. Школа къуртал бувну бур Гъумук. Рукьижат бивкIун бур ххуйну дук­лакисса, гьарзатраву итххявхсса, бюхъу-хъит бусса душ. Дяъвилул шиннардий 14 шинавусса Рукьижат окопру дуклан...