Аьрасатнавусса Швейцариянал вакил Ив Россьел машгьур­сса блогер Илья Варламовлухьхьунсса интервьюраву Да­гъусттанная,МахIачкъала шагьрулия цIарду дунни. «Дагъусттан Швейцария кунмасса бур, МахIачкъалагу ххаллилсса шагьру бур, оьрмулул бущи, тарг дирисса», — увкунни Россьеллул.

П. Рамазанова
Блогер-урбанист Илья Варламов ттигъанну уссия Дагъус­ттаннай, МахIачкъала шагьрулул мэр Салман Дадаевлущал уртакьну гьурттушинна дур­ссия «Мэрнащалсса хъун ххуллу» тIисса проектраву.

[dropcap]В[/dropcap]а уттинингу увкIссия Дагъусттаннайн, цува дунияллул чIявусса шагьрурдайн ивссара, дунияллийцири шагьрурдаву МахIачкъала ца яла чапалмур шагьру бур тIисса мяъна-мурадрайсса макьалар­тту чирчуссия. Блогернал «ччюрк­лил шагьру» тIисса цIа лачIун дурсса МахIачкъалалийн утти Швейцариянал вакил ххаллил­сса шагьру тIий ур.