[dropcap]И[/dropcap]юльданул 8-нний ДР-лул БакIчинал ва ХIукуматрал Администрациялул каялувчи Владимир Иванов увкIунни Бущихъиял райондалийн. Му цалчин ивунни Бущихъиял шяраву аьралуннал частрай цIуну зун бивкIсса «Мусил кIула» тIисса оьрчIал багъравун. Владимир Ивановлул оьрчIал багърал къатри ххал дурну махъ ляркъусса диялдакъашивуртту духлаган дувансса тапшурлугъру дунни.

Яла Администрациялул Каялувчи увкIунни Бущихъиял райондалул азарханалийн. Микку дузал дуллай бур МРТ (Магнитно-резонансный компьютерный томограф). Мунил хIаллихшинну дуллантIий дур мукьра райондалул къашайшалтран (Бущихъиял, ЦIумадиял, Аьхьхьахъиял ва Гумбетуллал).
АнсалтIиял шяраву МахIач­къалалиясса ва райондалиясса каялувчитал кIул хьунни спортзал баврил давурттащал.

Му бансса субсидиярттал 32,5 млн. къуруш Дагъусттаннал ларсъссар федерал бюджетравату паччахIлугърал программалул лагрулий. Спортзал къуртал бантIий бур ва шинал ахирданий. Делегация бувкIунни мусор бутIрайх дачIайсса заводрайн. Му заводрал 3 райондалийсса ччюрклил масъала чулийн бу­ккан бантIий бур.
Владимир Ивановлул ххал дирхьунни Бущихъиял райондалул аьралуннал частрал щин марцI дайсса сооруженияртту зузаврил тагьаргу.