[dropcap]И[/dropcap]юльданул 1-нний Дагъусттаннал БакIчи Владимир Васильевлул дунни 1999 шинал ДР-лий террористурайн къаршисса дяъвилул иширттавух гьуртту хьуну бивкIсса ополчентурал сияхIру аьям даврин хасъсса батIаву.
Уттигъанну Аьрасатнал Президентнал ХIукуматрайн тапшур бувуна 1999 шинал дяъвилул иширттавух гьуртту хьусса халкьуннал ополчентуран дулун дяъвилул иширттал ветерантурал цIарду.
Дагъусттаннал БакIчинал чIурчIав дунни ххал бигьлагьисса масъалалул агьамшиву: «Президентнал тапшур бунни ва масъала дузал буван ччясса чIумул мутталий. Му жулва ополчентурал масъалар, Дагъусттан буруччин гьаз хьуну бивкIсса».
БатIаврий гьуртту хьунни ДР-лул ХIукуматрал председатель Артем Здунов, ДР-лул БакIчинал ва ХIукуматрал Администрациялул Каялувчи Владимир Иванов, 1-ма зампред Анатолий Карибов, вице-премьер Рамазан Жяъпаров, ДР-лул виваллил иширттал министр Аьвдурашид МахIаммадов ва цаймигу.
