Ларгсса нюжмардий ДР-лул Строительствалул ва ЖКХ-лул министерствалул ва Аьрасатнал Сбербанкрал жула респуб­ликалийсса отделениялул 1-мур группа бусса оьрчIру ябуллали­сса кулпатирттан ипотекалун къулайссапроцентращалсса кредит ласунсса шартIру цIакь дуллали­сса кьутIи чирчунни. Республикалул социал аралуву агьамсса ва батIаврий гьуртту хьунни ДР-лул ХIукуматрал цалчинма хъиривчу ХIажимахIаммад ХIусайнов, Минстройрал каялувчи Малик Багълиев ва Дагъусттаннайсса Сбербанк­рал отделениялул хъунама Дмит­рий Артемов.

З. АьбдурахIманова
«КьутIилул хъунмур мурад, программалувун багьсса мушакъатсса оьрчI бусса кулпатрал цIаниясса аьрза кьамулгу бувну, шанма гьантлул дянив ипотекалунсса кредит­рал арцу дагьлай дурив ягу дакъарив ххал диргьуну, балжийсса жаваб бусавур. Ва программалувун багьаншиврулгу дуссар укунсса кулпатир­ттаясса цаппара тIалавшиннарду. ХIукуматрал кумаграйну банкрал итадакьин ккаккан дурсса арцул сумма буссар 750 азаруннийн бив­сса», — кунни ХI.ХIусайновлул.

[pullquote]Республикалий къатта ласун аьрзри чивчу­сса сияхIрай усса ур 13 азара инсан. Программалул гьурттучинахь цахьра дусса дур ихтияр, цанма машан ласун ччи­сса къатта ххал бувну, язи бугьан.[/pullquote]
КьутIилийн бувну, льгота багьайсса кулпатирттал зуруй 10 азарда къурушраяр ххисса арцу къадуллантIиссар банкран махъуннай, кредитгу 10 шиная тихуннай лахъи къалагантIиссар. ЛирчIми арцу хIукуматрал лахъантIиссар.
Гьашину ва программалийн лавсун бусса бур 1-мур группа бу­сса оьрчIру яхъанахъисса кулпатру. Вице-премьернал кIицI бунни, налогирттал кумаграйну республикалул хазна хъун бан бюхъарча, прог­раммалийн бутан бюхъантIишиву мушакъатсса оьрчIру бусса цаймигу кулпатру.
Республикалий къатта ласун аьрзри чивчусса сияхIрай усса ур 13 азара инсан. 2006 шиная шихунмай льгота бусса укунсса цуя-ца инсаннан къатта буллуну ба­къар республикалий. Программалул гьур­ттучинахь цахьра дусса дур ихтияр, цанма машан ласун ччисса къатта ххал бувну, язи бугьан. Ва программалун республикалун итабавкьуну бур 300 млн.арцул.
Аьркинсса информация кIул бан ччиминнаща бю­хъантIиссар, районнайсса ва шагь­рурдай­сса МФЦ-рдай цIухху-бусу бувну, хъирив лаян.
Къатлунсса субсидия ласун ччиминнал аьрза чичин аьркин­ссар сентябрьданул 1-нин.