![](http://ilchi.beget.tech/wp-content/uploads/2019/07/FullSizeRender-3.jpg)
администрациялул хъунаманал хъиривчу С. Кириенкощал
Цувагу чIирисса, амма чIан куртIсса
Гьуйннал шяраватусса
[dropcap]В[/dropcap]а интту, апрельданул 23-нний, Кремльданул залдануву Аьрасатнал Президентнал наградартту дуллалисса батIаврийн оьвкуну, билаятрал регионнаясса личIи-личIисса арардаву хьхьичIунсса ккаккияртту дурминнан орден-медаллу ва барчаллагьру баян бувссар. Гьай-гьай, шайвав гиккугу жула лаккучу акъа!
Залму АьбдурахIманова
Билаятрал бакIчинал канива «За заслуги в освоении атомной энергии» медальданун гикку лайкь хьуну ур Гьуйннал шяраватусса Ибрагьимов Оьмар ЯхIъянал арсгу.
Увну ур Оьмар ппу шахтерну зун лавгун ивкIсса Донецкаллал областьрайсса Макеевка тIисса поселокрай 1961 шинал. 1979 шинал ванал къуртал бувну бур цаппара дарсру марцIну ингилас мазрай дишайсса диркIсса МахIачкъалаллал 13 школа. Мивугу дуклай ивкIун ур математикалул ва физикалулмур классраву.
[dropcap]Ш[/dropcap]колагу къуртал бувну, Оьмар дуклан увххун ур Харьковуллал авиациялул институтравун. Ваная хьуну ур авиациялул инженер. Аьралий къуллугъгу лавхъун, зана хьуну ур МахIачкъалалив. ЗахIматрал ххуллугу Оьмардул байбивхьуну бур «Авиаагрегат» заводрая. Жагьилнал дакIмур кIункIу тIий диркIун дур дакIнил язи бувгьумур пишалучIан. Мунил угу-увцуну ур Омскалийн П.И.Барановлул цIанийсса конструктортурал бюрорай зун. Цува зузиний дакъа, Оьмардул цIа кIулну диркIун дур гайми предприятиярттайгу. АрхIал зузиминнал дянив хъинну бусраврай ва сий дуну ивкIун ур. 2006 шинал ванайн оьвкуну бур Аьрасатнаву ца яла хъунмассаннун ва агьамссаннун ккаллисса Рыбинскаллал мотостроительный заводрайн зун. Ванал даврил опыт кIулсса заводрал хъуниминнал ва ивтун ур жаваблувсса къуллугърай — экспертну.
Бивхьусса захIматрахлу Оьмар цимилагу цува зузисса кIанттурдай лайкь хьуну ур барчаллагьрал чагъардан, хIурматрал грамотарттан ва цаймигу наградарттан. Утти, ванан дуллусса хъуннасса наградагу барча дуллай, чIа учин ччай бур Оьмардун цIуллушиву ва дуллалимуниву тIайлабацIу, каши-кьудрат!