Июньдалул 9-нний къуллугърал аьрххилий Дарбантлив лавгсса ДР-лул ХIукуматрал председатель Артем Здунов кIул хьунни «Хьамаран дизай чяхирду ва шампанскийрдудуккан дай­сса завод» тIисса инвестпроект дузрайн дуккан дуллалисса давур­ттащал. Мунил сиптачи хъанахъиссар «Дербентская винодельчес­кая компания» ООО.

ХIасан Аьдилов
Му проект приоритетшиврул цIанин лайкь хьуссар уттиг­ъанну. Завод ттизаманнул аьркиншиндарал ва технологияр­ттал дузал бувну бур. ЦIанасса ппурттуву зун бивкIунни склад­ру, производствалул къатри ва сооруженияртту, бувну къуртал бавай бур коньякрал цех ва административ корпус. Заводрай зун тIий ур сайки 180 инсан, сезондалул чIумал зунтIиссар ялагу 600 инсан.

Артем Здуновлухь бувсунни цалсса заводрал дуккан дуллай бушиву чяхирду, шампанский ва хьамаран дизай чяхирду, цаппара хIаллава дуккан дуллантIишиву коньякгу. «Дербентская винодельческая компания» ООО-лул директор Эмил Оьмаровлул бувсмунийну, му заводран къюмайтIутIи бучIан буллантIий бур Кьиблалул Да­гъусттаннал районная.
Журналистътурал суалла­хьхьун жавабру дуллунни ДР-лул шяраваллил хозяйствалул министр Аьвдулмуслим Аьвдулмуслимовлул.