[dropcap]В[/dropcap]а кьини, цимирагу шинал лажиндарай цIакь хьусса аьдатрайн бувну, Хъун дяъвилий ливтIусса сайки 27 миллион инсантураясса аьпалулмахъру учин Каспийскалий дяшагьрулуву дацIан дурсса «Дягъулийсса нину» мемориалданучIан бавтIун бия чIявусса инсантал, шагьрулул бакIчи МахIаммад Аьбдуллаев бакIчисса хъунмасса делегациягу. Гьарцаманал канихьгу тIутIив дия.
Людмила Левицкаял дакIнийн бувтуна Каспийскалиясса 1293 чув талай ивкIшиву дяъвилий, Ххувшаву гъан дуллай, фронтран кумаг буллай бивкIшиву цикссагу инсантал. «Ххувшаврихлу жува буллусса багьа хъамабитан къабучIиссар», — увкуна ванил.
Асар хьунсса, махъа нанисса никиран та дяъвилия тIайламур кIулну бикIан аьркиншивриясса, жагьилтал ватан ххирану тарбия буллан аьркиншивриясса ихтилат бувна Геннадий Кьурбановлулгу.
ХIадур бувссар
Бадрижамал Аьлиевал
