[dropcap]Б[/dropcap]илаятрай гьунар бусса жагьилтал ялун личин баву мурадрай, «ОьрчIал ва жагьилтурал иширттаха зузисса регионнал дянивсса центр» тIисса коммерциялул дакъасса сакиншиндарал сипталий«Аьрасатнал ялун бучIантIимур» цIанилусса премиялийнсса конкурс баян буллалиссар. Ва даву гьашину цурдагу дувантIиссар федерал даражалий.

З. АьбдурахIманова
Конкурсрай гьуртту хьун оьвтIийгу бур билаятрал элмулуву, культуралуву, кIулшивуртту ласавриву, спортраву, жяматий­сса давурттаву чялишну гьурттушинна дувайсса, хьхьичIун ливчусса оьрчIайн ва жагьилтурайн.
Ваний гьуртту хьун бу­чIиссар жяматийсса иширттаву, творчествалул, культуралул, искусствалул, журналистикалул, ишбажаранчишиврул, педагогикалул, хIукуматрал ва муниципал каялувшиндарал арардаву ва чирилул акцияр­ттаву, волонтертурал давур­ттаву чялишсса гьурттушинна дуллай бивкIсса, оьрмулул 12-35 шиннавусса оьрчIру ва жагьилтал.
Цала-цала номинациялий ххув хьусса гьарцаннан бахшишран ттурш-ттуршазарда къуруш дулунтIиссар декабрьданий Красноярскалий хьунтIисса хъуннасса шадлугърай.
Конкурсрайнсса аьрзри кьамул буллантIиссар июльданул 21-ннин. Гьарта-гьарзану вания кIул бан хьунтIиссар https://www.rosdetstvo.com/ сайтрай.