[dropcap]Ш[/dropcap]ин дайдирхьуния шиннай республикалул муни­ципалитетир­ттай хьуссия «Аьрасат – ттул Ватан» цIанилусса конкурсрайнсса финалистътал язи бугьлагьисса кIива этап.

Муний Дагъусттаннал личIи-личIисса кIанттурдай ялапар хъанахъисса личIи-личIисса оьрмурдал инсантурал бувккуссар оьрус ва ниттил мазурдийсса шеърирду, увкуссар балайрду. Миннавасса язимигу гьурттусса гала-концерт хьунни ларгсса нюжмардий респуб­ликалул хъуншагьрулий, М. Горькийл цIанийсса Оьруснал театрданул хьхьичI.

Гала-конкурсравух гьуртту хьунни Агъуллал, Аьхьхьахъиял, Буйнакскаллал, Щаржавуллал, Гумбетуллал, Дарбантуллал, Докъузпараллал, Къайтагъуллал, Ккуллал, Лакрал, ЦIуссалакрал ва цаймигу районнаясса ва республикалул сайки циняв шагьрурдаясса творчествалул коллективру ва таксса гьурттучитал.

Бадрижамал Аьлиева