Чагъарданул дипломирттан кIанттай – электрондалулсса

Аьрасатнаву 2021 шиная гихунмай чагъарданийсса дипломран кIанай буллантIиссар электрон журалийсса дипломру.
АьФ-лул Минобрданул пресс-къуллугърал бусаврийну, 2021 шинал билаятрал вузру къуртал бувсса жагьилсса пишакартал электрон дипломру буллуминнал базалийн ласунтIиссар. БувчIинну учин, чагъарданул экземпляр канихьхьун къабуллуну, комьютерданувусса сияхIрайн ласунтIиссар. Вайннал бусаврийну, ва цIушинна сававну «къалпсса дипломру» тIисса калима агьалинал зума-ккарччула дакъа хьунтIиссар.

Электрон журалул диплом щищакIуй я тикрал, я цIусса буван къабюхъантIиссар ва «липовый» дипломру чувкIуй итталу къабикIантIиссар. Мунийн­сса хIадуршинна дуллай су­кку хьун пикри бувну бур гьашинува. Мисалдаран, билаятрал 5 вузраву ва шинал булунтIиссар «уттизаманнул» дипломру. Хъиривсса 2020 шинал ми булунтIиссар 15 вузрал.

Компьютерданул базалий, электрон диплом бакъасса, сакин бувантIиссар дуклакиссаксса хIаллай студентнал хьун дур­сса ккаккиярттая, спортраву, вузрал оьрмулуву чялишсса гьурттушинна дуллай ивкIшиврия бувсъсса портфолио. Жагьилсса пишакартал даврийн кьамул байни ми хъинну бучIи лякъинтIиссар ги­ккусса каялувчитурангу.