ОьрчIан – оьсса нагь!

[dropcap]М[/dropcap]ахIачкъалалив ашкара хьунни школарттайн ва оьрчIал садикирттайн контрофактсса нагь-лагаву итадакьлай бивкIшиву – сайки 71 миллиондалийн дирсса арцу дарцуну душиву.

Дагъусттаннал МВД-лул Силистталул управлениялул ххал дигьлай бур АьФ-лул УК-рал 159-мур статьялийн дагьайсса уголов дело.
Дело сукку дурну дур муниципал идарарттайн дуки-хIачIия диян даврихлу жаваб дулайсса МахIачкъалаллал ца идаралул къуллугъчитурал ва поставщиктурал хIакъираву.
Конкурентътуран дайшишру дурну, 2016-ку шиная байбивхьуну 2018-ку шинайн бияннин вайннал чирчуну дур школарттайн ва оьрчIал садикирттавун нагь-лагаву диян дуллансса хIукуматрал контрактру.
Амма миннун кIанай диян дуллай бивкIун бур заралсса ххяххиялул аьгъушиву хIаласса (пальмалул нагь) хIаласса ва багьлул кьюркьусса къалпсса лагаву.
ХIарамзадатурал лагаву ласлай бивкIун бур 90 къуруш килорах хIисавну, школарттайн ва оьрчIал садикирттайн дуллай бивкIун бур килорах 300 къуруш хIисавну. Июнь зурул 13-нний вай ялапар хъанахъи­сса кIанттурдай, мукунма машлул ва производствалул къатраву цIухла бивхьуну бур. Бувгьуну бур муниципал идаралул каялувчи ва шама предприниматель. ЦIанасса чIумалгу найнна дур силистталул давуртту.