[dropcap]В[/dropcap]ай гьантрай Россельхознадзорданул управлениялул пишакартурал ххал бивгьунни Къарабудахккантуллал райондалийсса Гъурбуки шяравасса инсантурал чулухасса аьрзри.

Имара Саидова
«Уйташ» аэропортрал ва муххал ххуллул лагма-ялттусса кIанттурдайсса шяраваллил хозяйствалун ишла дан кка­ккан дурсса аьрщив, бакIлахъия ларсун махъ, ххиличIрурдацIа, пакетирттацIа марцI къадурнура кьаритлай бур. Мунийну ялуннайсса бакIлахъия ласаврин хъунмасса зарал хъанай бур», — тIисса бур аьрзирал хъунмур.

Управлениялул зузалтралгу исват бунни шикку кIицI ларгсса аьрщив, буниялагу, ххуй дакъасса тагьарданий душиву. Гъурбуки шяраваллил бакIчинал хъиривчу МахIаммад НурбахIандовлул бувсунни 2013 шинал Къарабудахккантуллал райондалийсса Къарабудагъовлул цIанийсса СПК-лул дургьуну диркIшиву вай аьрщив бахчалун, ахънилсса рартIун махъ вайннал аьрщи кьуцурттацIа марцI къадурну кьариртшиву. ХIакьинусса кьини, ва СПК банк­рот хьушиврийн бувну, бюхълай бакъасса бур минная аьрщи марцI даву тIалав дан. Муния махъ вай аьрщив арендалий цайминнал ларсун дур. 2018 шинал миннал бувгьуну бур шикку къама. ЧIалачIиссаксса утти му арендаторгу аьрщараха къуллугъ бан анавар уклай акъасса ур.

Арендатор Саидпаша Мусаевлул бувсунни вай аьрщарай­сса пленкарду мурчал леххан буллай, цаллами дургьусса хъуруннайнгу багьлай бушиву.
Управлениялул зузалтрал мукунма ххал бивгьунни Нугъайнал райондалул администрациялул бакIчинал чулухасса аьрщи тIайлану ишла къадаврил ялув­сса аьрза. Ванил хIакъиравугу, управлениялул зузалт цив­ппа лавгун, ххал диргьунни аьрщи. Лявкъунни 40 гектар аьрщарайх мукунмасса пленкарду ппив хьуну. Вайннуя, аьрщаран, тIабиаьтран бакъассагу, хъунмасса зарал биллай бур инсантурал организмалунгу.
Управлениялул зузалтрал, хъирив лавну, Къарабудахккантуллал ва Нугъайнал райондалийсса аьрщи низамрайн къадуцаврил хIакъираву протоколлу чивчунни ва минная ласун кка­ккан дурунни 700 азарда къуруш аькIлун.