[dropcap]И[/dropcap]юньдалул 22-нний Санкт-Петербург шагьрулий хьунни «IТ-диалог-2019» тIисса информациярттал ва коммуникациярттал технологиярттал Щалвагу Аьрасатнал форум. Муний гьуртту хьунни ДР-лул Минкомсвязрал бакIчи Сергей Снегирев.
Конференциялий гьуртту хьуну ур билаятрал 41 субъектраясса 400 инсан.
Сергей Снегиревлул махъ лавхъунни «Цифровой регион – обмен лучшими практиками» тIисса секциялий. Мунал бувсунни форумрай гьуртту хьуминнахь «Яндекс. Транспорт, Яндекс. Такси ва цифровизация АЗС-рал арардаву» тIисса темалуцIун дархIуну республикалий дуллалисса давурттая.
[dropcap]Ф[/dropcap]орумрай гьуртту хьуминнал ххал бивгьунни регионал транспортрал модель, миннал ишла дуллалисса технологияртту, субъектирдаву даххана дуллалисса транспортрал политика. Ххал бивгьунни миннуцIун бавхIусса цаймигу масъалартту.
[dropcap]Ф[/dropcap]орумрай ДР-лул минкомсвязрал министр хьунаавкьунни АьФ-лул цифрардал лябуккулул ва массовый коммуникациялул министр Константин Носковлущал. Миннал ххал бивгьунни федерал министр «РИФ-Кавказ» тIисса гьар шинал Дагъусттаннай шайсса форумрай гьуртту шаврил масъала. Гьашину му форум хьунтIий бур сентябрьданий.
