Хаварду – кутIану

Хаварду – кутIану

Азирбижаннал Кьини – Дагъусттаннай

Дусшиврул къатлуву, ДР-лул Национал политикалул министерствалул сакиншиндарайну, хьунни «Дусшиву» цIанилусса Жяматийсса совет­рал ккуркки стол.

Ихтилатру бунни ДР-лул Миллатрал политикалул министерствалул отделданул начальник Сиражуттин Каммаевлул, МахIачкъалаливсса Азирбижаннал миллатрал автономиялул председатель Ракиф Аьзизовлул ва м.ц.

Яла ххуйма пучбачIу

Пятигорскалий хьусса щалагу Аьрасатнал Почталул пишакаршиврул конкурсрал «Яла ххуйма почтальон» тIисса номинациялий ххув хьунни Да­гъусттаннаясса пучбачIу Загьират Сулайманова. Почталул къуллугърал ветераннан ккаллисса Загьират утти хъана­хъиссар Ухссавнил Ккавкказнавусса ца яла хьхьичIунмур почтальоннугу. Конкурсрай ххув хьуминнан дуллуссар лишанну, дипломру ва арцуйнусса бахшиширттансса сертификатру (1-мур кIану – 30 азарда къуруш, 2-мур – 25 азарда, 3-мур – 20 азарда).
Шикку ххув хьуми гьуртту хьунтIиссар июльданий Москавлив хьунтIисса конкурсрал финалданий.

Дайдирхьунни «Машукрайнсса» регистрация

Дайдирхьунни гьарца шинал шайсса «Машук» тIисса Ухссавнил Ккавкказуллал жагьилтурал форумрайнсса регистрация. ДакIнийн бутан, форум хьунтIиссар шанна сменалий: «Направление прорыва» тIимур – августрал 9-нния 16-нин, «Граждан общество» тIимур – августрал 16-нния 23-нин, «На – лидерда» – августрал 23-нния 30-нин. Шамилчинмур сменалий гьур­тту хьун бюхъантIиссар «Аьрасатнал лидертал», «Цифрардал хьхьичIунмайсса хъит», «На – профессионалла», «Ттул Да­гъусттан» тIисса проектир­ттай ххув хьуминнаща ва жагьилтурал НКО-лул каялувчитураща. Гьашинумур форум хъанай дур юбилейрал – ацIулчинсса. Мунивух гьуртту хьунтIиссар Ух­ссавнил Ккавкказуллал ва цаймигу субъектирдаясса 3 азаруннийн бивсса жагьилтал.

«Хияллу бартлагантIиссар»

«Россельхозбанкрал» зузи дунни ипотекалул кредитованиялул «Хияллу бартлагантIиссар» тIисса цIанилусса акция. Мунийн бувну ипотекалий квартира ласавриву хъанай дур цаппарасса хIаллихшинну. Акция зузиссар июньдалул 30-нин. Муния гьарта-гьарзану кIул буван бюхъантIиссар банкрай ягу мунил сайтрай.

Ккавкказуллал регионнайсса Аьрасатнал Почталул
пишакаршиврул конкурсрал ятIапрай ххув хьуми

Мушакъат­миннахасса аякьа

Къатри ласуншиврул итадакьайсса субсидияртту утти ласун бюхълай бур МФЦ-чин. Ми­кку дузал бувну бур мушакъатми, мушакъатсса оьрчIру тарбия хъанахъисса кулпатру къат­рал щаллу баврил проектрал лагрулий агьалиная аьрзри кьамул буллансса майданну. Субсидияртту ласун бюхълай бур 1-мур группалул инвалидтураща ва агьалинал личIисса категориярттал сияхIирттайн багьлагьи­сса мушакъатсса оьрчIру тарбия буллалисса кулпатирттаща.

«ЦIу+йод» аькьлу-кIулшилул къаралданий

Щалагу Аьрасатнал «Соль+йод IQ сбережет» тIисса акция Дагъусттаннайгу дайдирхьунни. Акция хьунни Респуб­ликалул Диагностикалул центрданий дуллалисса ТIиртIу нузал кьинирдай. Ва кьини микку хьуминнаща бюхълай бия Центрданул хIакинтурал маслихIатирттах вичIи дишин, консультация лаласун. Акциялий гьуртту хъанахъисса волонтертал тIурча, дачIлай бия йод биял къахъанахъиминнансса памяткарду.

ХIадур бувссар
Бадрижамал Аьлиевал

Читайте также: