[dropcap]М[/dropcap]ай зурул 5-нний «Шереметьево» аэропортрая Москавлия Мурманскалийн лерххун нанисса Sukhoi Superjet 100 самолетрацIух, апатI хьуну, махъуннай щяриртсса чIумал, цIу ларчIунни.

Имара Саидова
Рейсрай ивкIун ур 78 инсан, миннава 5 – экипажрал члентал. Ва оьзрулуву оьрмурдацIа хьуну ур 41 инсан, ххассал хьуну ур 37 инсан, миннавагу 34 инсан иян увну ур азарханалийн.
Самолет гьаваллавун гьаз хьуну 28 минутI ларгсса чIумал, пилотътуран му анаварсса му­тталий щяритан багьну бур.
Ихтиярду дуруччай органну хьумунил хъирив лаллай бур.

Самолет гьаваллавун гьаз хьуну 14 минутI ларгсса чIумал лайнерданул командир Денис Евдокимовлуща бювхъуну бур связьрайн уккан. Мунал бувсун бур, самолет­райн цIупар щуну, фюзеляжран зарал хьуну, радиосвязьрал канал зия хьуну душиву ва мунияту самолет анаварну щяритансса хIукму бувшиву.
ХIасил, катастрофалул хIа­къиравусса пикрирду цалийн бучIан бувар, миннул хIасиллу данссар хасъсса къуллугърал зузалтрал.