[dropcap]И[/dropcap]нсаннан чара бакъа лякьлун аьркинсса дукиялуцIун дакIнинмур «дукиялулссагу» буллан багьлан бикIай. Ми «дукияртту» цинцилттай дирхьуни, архIалну духьурча, му чIумал бур инсаннан тIайлабацIугу хъанай, буллалимургу бакIуйн буклай.

ХIажимурад ХIусайнов
Лакку билаят. Ванил тIа­биаьтрал жунна бахшиш дуллалисса тIитIаларттал ахир да­къар. Ми тIитIаларттугу инттухуннай хъиннура янилун дагьлан дикIай. Гьай-гьай, жура инт лащан дару жагьилшивруха. Интгу, жагьилшиву кунна, дакI тIиркIатIи дуллалисса, дакIнил макьу цалийн дуцлаци­сса дикIай.

Вана уттигъанну хъя куссия дараччи тIутIив. Вайннул хъирив хъахъира-хъахъи­сса къуппан-тIутIал дурцIунни лухччив. Амма вай, «жу дакъа цайми цар?» тIий, иттав ххяхлахисса къуппан-тIутIал хъирив чантIа тIун диркIунни ччиккул тIутIив.

[dropcap]Ч[/dropcap]чиккул тIутIив дуссар, ина гайннул хьхьичI ацIайхту, вийн икрам буллай, цалла бакIру хъазамрай дихьлай. Укунсса буссар цахъис нач-начсса жула зун­ттал душругу. Дакъассар ччиккул тIутIал къуппан- тIутIал куннасса яргшиву. Амма найрдан кIулну бухьунссар нацIусса цуми дуссарив, гай буссар ччиккул тIутIай ликлай. ТIабиаьтрал вай тIутIив чантIатIи дурну дур дурусну школарттай дуклаки оьрчIал дуккаврил шин къуртал хъанахъисса май зурул ахирданий – кацI бансса мурадирай.

Ччиккул тIутIив цирдагу хъатру дусса гьаннил чуллай шай.
Нанияра, Лаккуйн, зунна тIабиаьтрал тIитIалартту ххал дуллан, ччиккул тIутIащал ихтилат буван, вай ххярхсса лухччайгу щябивкIун, хияллахьхьун хьхьури итадакьин.