Ххирасса ссурвал! Ттун ччай бур ва макьалалий ттунма ккак­лакимуния, ттулла дакI цIуцIимуния бусан.Ттун къакIулли жува циван нигьа бувсун буссарув карщуя, жула Дагъусттаннай оьрмул оьрмулухун жула ниттихъал дутлай бивкIсса лачакрая.

Цалчин, жува хъанай буру бусурмантал, алхIамдулиллагь. КIилчингу, жува Дагъусттаннал, зунттал хъамиру, чув бухьурчагу. ХIурмат бусса ссурвал, бургияра зухва, зува цукун занай бурув, хаснува бивкIурдайн. КъакIулмур учин жула гьарцаннал буржри. БивкIулийн бучIан аьркинссар, бакIрайн карщигу дуртун, яннагу, чурхгу лазилавкьуну. ХъатIуйн кунма яннагу ларххун, бакIрай карщигу дакъа, къантI бивкIсса гьухъагу лавххун, хIажакирттаву букIлай бур. Циван, щин ккакканшиврул? Му хъанай бур укунмагу дакI къумасса бивкIулул заллухъруннал хIурмат бакъашиву. Къахъанай бухьурча цамур ку­ццуй бучIан, бувагу мабучIари мукунсса ххуллий.
БивкIулийн бувкIукун, щябикIлай бур мигу зикрилучIа, яла буссар кIункIу-хъит буллай гьухъа, укунмагу кутIасса.

[dropcap]Б[/dropcap]икIай зикрилул хIурмат бакъа хаварду бусласиссагу. Зик­рилул бакI хъанахъиссар «Ла иллагьа илла ллагь» тIисса махъру. Вай махъру увкуманан дазу-зума дакъа хайр хъунмассар.
Жува зикри бихьлайни малаиктал лагма лагайссар.
Жула МухIаммад идавсил (с.аь.с.) махъва-махъсса хIажлийгума увкуссар: «Би­кIияра хъамитайпалущал ххуйну, цIимилийну, ми хъинну заэвссарча». Жула чулухунмай къулагъас, хIурмат лавай­сса бивкIссар. Мунияр ххуйсса ци буссар ва дунияллий. Аллагь кIулмари циван ляхъан бувссарив жува хъамину.

Ца-цавай хъами-душру бикIай къатлуву, буттал, ­уссил, арснал хьхьичI къалайкьну ларххун. Вайннан ххай бур мукун бикIан аьркинсса кунма. ХIадисрай куну бур: «Хъаннин къабучIиссар цила янна ли­ккан, ласнал къатлуву бакъа» («АхIмад, ат Тирмизи). Ванийн бувну зун чIалай бур хIарамшиву. Гьарца затрал мяъна дуссар. Жула хъамитайпалун, чув бухьурчагу, яхI-намус, къирият кьаритан къабучIиссар.