Каспийскалийсса Аьрасатнал халкьуннал аслийсса культуралул центрданий хьунни Ххувшаврил байрандалун хас дурсса батIаву. Ва ххуллух мунивух гьуртту хьун бувкIун бия «Панда» цIанилусса оьрчIал садикрал мюрщулт ва миннал тарбиячитал.
Бадрижамал Аьлиева
Хъамал хьунабавкьунни Центрданул директор Башикар Гадаевал. Мукунма ва кьинисса батIавривух гьуртту хьун бувкIун бия шагьрулул цайми идарарттал вакилталгу.
Хъуниминналгу, мюрщиминналгу дурккуна дяъвилиясса назмурду, увкуна балайрду, ххал дуруна дяъвилиясса фильмру.
Цинявппагу бувккун чIаравсса паркравун, дуруна «Георгиевская ленточка» тIисса акциягу. Дяъвилий ливтIуминнал аьпалун гьаваллавун итабавкьуна кIяла шарду.
