Уттигъанну кьамул дурсса федерал закондалийн бувну гьарца нитти-буттаща бюхъантIиссар хIукуматрал чулуха оьрчIан багьайсса арцуйнусса кабакьу цивппа яхъанахъисса кIанайва ласлан.Вай иширттаха зузисса идаралул зузалтрахь ихтияр дакъассар нитти-буттахь оьрчIал прописка цIухлан ягу тасттикьшиндарал справкартту тIалав дуллан.
З. АьбдурахIманова
Цивппа яхъанахъисса кIанттурдай давуртту дакъа, инсантуран цайми шагьрурдайн, регионнайн бизан багьлагьисса кIанттурду шай. ОьрчIан пособие бишайни, чIярусса дайшишру хьунадакьлай, аварашиврухун багьлан бикIай.
Шиккува кIицI банну оьрчIансса арцул пособие – му гьарца региондалул, цала маэшатрах бурувгун, лагь-лахъсса бикIайшиву. Цамургу цIушинна кIицI данну: майрая гихунмай, хIукуматрая дагьайсса циняр арцурду кунна, оьрчIансса пособиягу «Мир» карточкалийн нантIиссар.
