Уттигъанну, гужсса микI бивчуну, мугьалтту бувккун, Гумбетуллал райондалийсса Инхо тIисса шяравалу пасат дурунни.Жагьилтурал иширттал министр Камил Сяидов волонтёртурал кьюкьлущал му шяравун ивунни. Ми, шяраваллил агьалинащал хъар дургьуну, зий бивкIунни.
П. Рамазанова
Шяраваллил хъунама МахIаммад Ибрагьимовлул цIуну буллалисса мизитрал цалчинмур зиву гьагълил дурцIуну душиву бусайхту, министрнал ва мунащалсса жагьилтурал мизит марцI буккан бувангу кумаг бунни.
— Агарда гьарца дакI цIуцIиманал шайсса кумаг буварча, тIабиаьтрал оьзру хьуну, ялун бивсса ва балаллува буккан шяраваллил агьалинан кумаг хьунтIиссар, — увкунни министрнал.
