Аьрасатнаву диктант чичин­тIиссар 772 кIанай

«Тотальный диктант» тIисса Щалла дунияллул кIулшивурттал проект щурунтIиссар дунияллул ряхвагу континентрайсса 19 ссятурдил поясрай.

Сакиншинначитурал дур­сса хъиривлаявурттайн бувну, ва акциялий гьуртту хьунтIиссар 250 азара инсан. Шиная шинайн цалла кIулшивуртту ххал дан ва укун­сса журалул проектирдай гьуртту хьун ччисса халкьгу бусса бур гьарза хъанай.
Мунийн бувну МахIачкъа­лалив Тотальный диктант чичинтIиссар апрельданул 13-нний ссят 14.00.

Ларгсса шинал жула хъуншагьрулий диктант чирчуссар 3 кIанай, гьашину тIурча, чичинтIиссар 7 кIанай:
— Национал библиотекалий; ДГУ-лул филологиялул факультетрай;
— ДГПУ-лул филологиялул факультетрай;
— Дагъусттаннал кIулшивурттал даража лахъ бай институтраву (ДИРО);
— Дагъусттаннал паччахI­лугърал технический университетраву;
— ДГУ-лул профкомрай;
— Республикалул Оьрус мазрал ва литературалул центрданий.
Ва акциялул ялув бацIавугу дувантIиссар шикку кIицI був­сса Оьрус мазрал ва литературалул центрданул.
Гьуртту хьияра зугу, зунма гъира бухьурча ва зулла кIулшивуртту ххал дан ччай бухьурча!

ХIадур бувссар
З. АьбдурахIмановал