Апрельданул 3-нний ДР-лул ХIукуматрал председатель Артем Здунов ва Аьрасатнал «Роспотребнадзорданул» хъунмурАнна Попова бувкIунни Хасавюртлив. Микку ппив хьуну диркIссар ххюттуканил лахъай азарду.
Хасавюртлив каялувчитурал ххал диргьунни шагьру щинал щаллу буллалисса объектру: «Сулакь» тIисса насосрал станция, «Акташ» тIисса щинал буцIайсса бяр.
Яла ми бувкIунни МахIачкъалаллал цIусса насосрал станциялийн, му бур бавхIуну «Миатли-Махачкала» щинаххуллуцIун. Мичча щин най дур хъуншагьрулул Кировский ва Советский районнайн ва чан-кьансса Ленинккант поселокрайнгу.
Делегация бивунни МахIачкъалаллал щин марцI дуккан дайсса сооружениярттайн, кIул хьунни махъсса ппурттуву дурсса лабораториялул анализирттащал. Миннахь бувсунни Миатлиял щинаххуллувух нанисса щин хъинну марцI хъанай душиву.
