Хъаннил мажлис – РувхIанийсса центрданий

МахIачкъалалив буллалисса Ися Идавсил (с.аь.с) цIанийсса РувхIанийсса центрданий хьунни Аьрасатнал личIи-личIисса шагьрурдая бувкIсса хъаннил мажлис, сайки 3000 инсан гьуртту хьусса. Ва мизитраву хъаннилмур кIану дузал буван уттинин дартIун дур 34 миллион ва 700 азарда къуруш арцул. Вай так хъаннил дартIсса арцур.


П. Рамазанова
Гьаннайсса, халкьуннал стройка чинсса даражалий, сантирай ва лябуккулий най дур Центр буллалаврил даву. Мажлисрай ПаччахIлугърал Думалул депутат ХIажимурад Оьмаровлул Барчаллагьрал чагъар буллунни Муфтиятрал просвещениялул отделданий каялувшиву дуллали­сса Аьйшат НурмахIаммадован, мизит баврил давривун чIявусса хъами кIункIу буваврихлу. Ванилгу дакIний личIансса сертификатру дуллунни чялишсса гьурттушинна дуллалисса, хъунисса кумагру бувсса хъаннингу. Гьар кьини тIиссакссагу, районная ва шагьрурдая букIлай бусса бур хъаннил делегацияр­тту. Аьйшат НурмахIаммадова бур гьар кIюрххил мизит буллалисса кIанайн дачай цирда лик­ри, къабивну дакI паракьатну къадикIай тIий.