[dropcap]М[/dropcap]арт зурул 23-24-нний Ставрополлал крайрайсса Георгиевск шагьрулий хьунни «Огоньки» тIисса машгьурсса хореографиялул ансамбльданул каялувчи Юрий Левченколаьпалунсса фестиваль-конкурс. Дагъусттанная конкурсрай гьуртту хьусса ЦIуссалакрал райондалиясса А.КьурбанмахIаммадовлул цIанийсса искусствалул школалул «Эдельвейс» ансамбльданул лавсунни Гран-при ва Мусил кубок.
Андриана Аьбдуллаева
Аьрасатнал 38 региондалиясса къавтIавурттал коллективру гьуртту хьусса конкурсрай жула райондалул ансамбль ххув шаву пахру бан бучIисса ишри. «Эдельвейс» ансамбль уттинингу цала гьунарданийну цикссагу тамашачитал хIайран бувсса коллективри.
Фестивальданул сакиншинначиталну хьунни «Искусствалул дуниял» тIисса творчествалул цачIушинна. Ансамбль «Эдельвейс» ххув хьунни «Халкьуннал къавтIаву» тIисса номинациялий. Ансамбльданул ккаккан дурсса къавтIаврин гурну хъатру ришлай, кьакъабагьавай бия тамашачитал. Вайннал гьунарданун лавайсса кьимат бивщунни Аьрасатнал дуккаврил идарарттал хьхьичIунсса педагогтурая, артистурая, культуралул ва искусствалул лайкьсса зузалтрая хьусса жюрилулгу. «Халкьуннал балай» тIисса номинациялий гьуртту хьусса ЦIуссалакрал райондалул искусствалул школалиясса Зайнав Хутиевалгу бувгьунни цалчинсса кIану.
Барча буллай буру ансамбльданул коллективгу, школалул каялувчиталгу!
